Ategorrieta zentroa

Ategorrieta zentroa 2008ko abenduan jarri zuten martxan. Jose Elosegi etorbidean dago kokatuta (antzinako San Ignacio klinikaren parean, eta Ategorrietako ordularitik oso gertu). Bi etxebizitza ditu (10 lagunentzako bakoitza), 20 lagunentzako eguneko zentroa eta 6 plazako etxebizitza berezi bat atseden hartzeko aldi bateko egonaldietarako. 

Ategorrieta zentroa 5 solairuko eraikin bat da. Beheko solairuan, atseden-zerbitzua ematen da. Lehenengo solairuan, eguneroko jarduerak egiteko espazioak daude. Bigarren eta hirugarren solairuetan, berriz, bi etxebizitzak daude.  Azken solairuan, terraza handi eder bat dago. 

Langile hauek osatzen dute Ategorrieta zentroko lantaldea: arreta zuzeneko profesionalak, erizaina, fisioterapeuta, mediku jeneralista, estimulazio sentsorialeko langileak, sukaldariak eta garbitzaileak. Guztiak elkarlanean aritzen dira erabiltzaileen eta haien familien beharrei erantzuteko.

Zentroak 9 plazako ibilgailu egokitu bat du komunitateko irteerak egin ahal izateko.
 

Etxebizitza zerbitzua

Bi etxebizitzak Ategorrieta zentroko eraikinaren 2. eta 3. solairuetan daude. Etxebizitza independenteak dira, argitsuak, eta dekorazio pertsonalizatu, moderno eta funtzionalekoak. Etxebizitza bakoitzak egongelak, banakako logelak, bainugela egokitua eta sukalondoa ditu.

Zerbitzuaren planifikazioa etxebizitzetara bideratutako erabiltzaileen behar eta lehentasunetan oinarritzen da. Hala, erabiltzaileei laguntza ematen zaie etxeko egunerokotasuneko lanak egin ditzaten: erosketak, arropa eta etxea zaindu, pribatutasuna izan, beren zaletasunez edo denbora libreaz gozatu…

Etxebizitza-zerbitzuak arreta integrala eskaintzen du. Eguneko 24 orduetan bermatzen da arreta hori, urteko 365 egunetan, erabiltzaileen eta familien bizi-kalitatea sustatzeko.
 

Eguneko arreta zerbitzua

Eguneko Zentroa eguneko arreta eskaintzeko pentsatua dago, 10,30etik 17.30era, irailetik uztailera.

Eguneko Zentroa eraikinaren 1. solairuan kokatua dago, eta bere egitura fisikoari dagokionez, hainbat areto biltzen ditu: estimulazio eta musikoterapiarako aretoa, komunikazio-aretoa, tailerra, fisioterapia eta motrizitaterako aretoa, ikus-entzunezkoen aretoa eta jangela. Egunean zehar, zentroan bizi diren pertsonek, laguntza trinko eta espezializatu batekin, hainbat jarduera burutzen dituzte, bai zentroan eta bai komunitatean ere. Komunitate-ingurunean garatzerik ez dauden jarduera garrantzitsuenak eta beste jarduera espezializatuago batzuk bakarrik egiten dituzte zentroan; horietako batzuk dira Fisioterapia, Musikoterapia eta Zentzumenen Estimulazioa, eta bertan, langile espezializatuek parte hartzen dute, gure langileekin batera. Eta Komunitatean beste era bateko jarduerak burutzen ditugu, hala nola: ingurunea ezagutzea, kirol eta kultur arloko instalazioak eta beste baliabide batzuk erabiltzea, gainerako herritarren antzeko bizimodu aktibo bat izan dezaten, betiere ikasteko, parte hartzeko eta beren ongizatea eta bizi-kalitatea hobetzeko aukerak sortzeko helburu horrekin.

ULIALDI: Aldi baterako atseden zerbitzua

Ategorrietan ULIALDI izeneko aldi baterako egonaldietarako programa berezi bat garatu da.

Programa horren helburua adimen-urritasuna duen pertsona bat zaintzen ari den familiari laguntzea da, arrazoi desberdinak direla medio beren senitarteko horri arreta egiterik ez duten egoeretan edo etengabeko arreta eskaintzeko lan horretan atseden bat behar duten beste egoera batzuetan laguntza eskainiz. Laguntza hori etxebizitzan aldi baterako egonaldiak eginez gauzatzen da, baina hori era askotakoa izan daiteke, familiek dituzten premien arabera: asteburukoa, astebetekoa, hamabostaldikoa eta abar, luzatzeko aukerarekin, atseden, gaixotasun edo ospitaleratze, larrialdi edo antzeko beste arrazoiren bategatik.

Zerbitzu honetan arreta jasotzen duten pertsonek beren eguneroko jarduerak burutzen segi dezakete (beste zerbitzu batzuk erabiltzen baldin badituzte) edo, beren premia eta lehentasunen arabera, etxebizitza eta eguneko arretaren zerbitzuan antolatzen diren jardueretan eta dinamikan parte har dezakete.

Etxebizitza hori eraikinaren behe-solairuan kokatua dago eta, egitura fisikoari dagokionez, egongela eta jangela, banakako logelak, bainugela egokituak eta office-sukaldea ditu, apaingarri moderno eta funtzionalarekin, guztira 6 plaza izanik.

Harremanetarako

Helbidea
José Elósegui etorbidea, 22 20.013 Donostia- San Sebastián • Gipuzkoaa
Telefonoa
943293800
Email
ategorrieta@gipuzkoa.eus
 
Mapa Grisa
Mapa
Mapa Grisa